Në zonën 60 km/h voziti 117 km/h, policia shqipto gjobë prej 300 euro dhe i konfiskoi patentën shoferit në Gjilan

17:41 | 24 Nëntor 2024
E.H

Policia e Kosovës njofton se një shofer në Gjilan është gjobitur me 300 euro pasi që i njëjti në zonën e kufizimit të shpejtësisë me shenjë trafiku 60 km/h i njëjti është hasur duke vozitur 117 km/h.

Në njoftimit për media tutje thuhet se ndaj të njëjtit i janë shqiptuar edhe tri pikë negative dhe masën e përkohshme të ndalim drejtimit të mjeteve motorike në afat prej tre muaj.

“Njësiti Rajonal i Komunikacionit Rrugor nga Drejtoria Rajonale e Policisë në Gjilan ka shqiptuar gjobën në vlerë prej treqind (300) euro, tri (3) pikë negative dhe masën e përkohshme të ndalim drejtimit të mjeteve motorike në afat prej tre (3) muaj ndaj kundërvajtësit i cili në zonën ku kufizimi i shpejtësisë me shenjë të trafikut është 60 km/h është hasur duke vozitur 117 km/h”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm